Dy harta të rralla ilire, të zbuluara dhe sjella në vëmendjen e publikut nga studiues shqiptarë, po hapin një kapitull të ri në studimin e historisë së lashtë të trojeve tona. Harta e parë është identifikuar në arkivat e Vatikanit nga studiuesi Leonard Aliraj, ndërsa harta e dytë është gjetur në Malmö të Suedisë nga studiuesja Lena Arvanit. Të dyja këto dokumente kartografike përfaqësojnë dëshmi me rëndësi të veçantë për shtrirjen territoriale ilire dhe për mënyrën se si këto troje janë përshkruar në burime historike evropiane.
Për të garantuar sa më shumë besueshmëri dhe korrektësi shkencore ndaj lexuesit, për secilën hartë është shënuar edhe viti i realizimit, ashtu siç figuron në burimin origjinal arkivor. Ky element është thelbësor për të kuptuar kontekstin historik, periudhën e hartimit dhe rëndësinë reale të dokumentit në raport me historiografinë e kohës.
Falënderime të veçanta u drejtohen studiuesve për kontributin e tyre të çmuar në ndriçimin e rrënjëve tona kombëtare dhe për përkushtimin në kërkime që i shërbejnë historisë, dijes dhe trashëgimisë shqiptare.
