Shpesh në histori ka figura që ndikojnë në fatin e kombeve të tjera, edhe pa qenë pjesë e tyre. Në rastin e Greqisë, shumë studiues dhe historianë përmendin një emër shqiptar që luajti rol vendimtar në dobësimin e Perandorisë Osmane dhe krijimin e kushteve për shpalljen e pavarësisë greke.
Bëhet fjalë për Ali Pasha Tepelena, sundimtari i fuqishëm shqiptar i Janinës, i cili në fillim të shekullit XIX sfidoi hapur Perandoria Osmane. Rebelimi i tij kundër Sulltanit dhe krijimi i një pashallëku pothuajse të pavarur në Epir e dobësoi rëndë kontrollin osman në Ballkan.
Kjo përplasje e madhe mes Ali Pashës dhe osmanëve krijoi një situatë kaotike në rajon, duke shpërqendruar ushtrinë osmane dhe duke hapur rrugën për shpërthimin e Luftës së Pavarësisë Greke më 1821. Pikërisht në këtë moment dobësie të Perandorisë Osmane, kryengritësit grekë arritën të organizohen dhe të nisin luftën që do të çonte në krijimin e shtetit grek.
Për këtë arsye, disa historianë theksojnë se pa rebelimin dhe ndikimin e Ali Pashë Tepelenës, procesi i pavarësisë së Greqisë do të kishte qenë shumë më i vështirë ose do të ishte shtyrë në kohë. Kjo e bën figurën e tij një element kyç në historinë e rajonit dhe në debatet mbi rolin e shqiptarëve në ngjarjet vendimtare të Ballkanit.
Ndiqeni videon në vazhdim dhe do mahniteni me këto fakte: