Gjatë takimit me demokratë, Sali Berisha po përballet përditë me kritika të shumta nga mbështetësit e tij lidhur me premtimet e pambajtura për realizimin e revolucionit dhe arritjen e fitores politike.
Atmosfera në takimet e fundit është shoqëruar me tone të forta dhe pakënaqësi të hapur nga baza demokrate, të cilët kërkojnë më shumë veprim konkret dhe më pak fjalë.
Një prej tyre, gjatë takimit të sotëm në Sukth, iu drejtua drejtpërdrejt Berishës duke theksuar se në mitingun e 20 shkurtit nuk dëshiron të shohë asnjë prej atyre “me kollare”, duke iu referuar deputetëve të Partisë Demokratike, të cilët sipas tij nuk përfaqësojnë frymën e protestës dhe vetëm sa e bezdisin elektoratin.
Kjo deklaratë u shoqërua me reagime nga të pranishmit, duke reflektuar tensionet e brendshme dhe pritshmëritë e larta që mbështetësit kanë ndaj lidershipit për ndryshime të shpejta dhe konkrete në skenën politike.