![\"\"](\"https:\/\/inhealthyzone.com\/wp-content\/uploads\/2026\/03\/Screenshot_20250402_192232_Gallery-474x1024-1.jpg\")
<\/p>\nGazetaret investigative Ola Xama dhe Klodiana Lala shfaqen shpesh darkave n\u00eb sofrat televizive, duke dh\u00ebn\u00eb mendimin e tyre p\u00ebr dosje t\u00eb bujshme t\u00eb SPAK-ut, korrupsionin, krimin, pastrimin e parave, kapjen e mediave etj. Disa muaj m\u00eb par\u00eb, zonja Lala p\u00ebrhapi dy g\u00ebnjeshtra; aludimin se Fatmir Xhafaj q\u00ebndronte pas hakerimit t\u00eb e-maileve t\u00eb SPAK-ut dhe se Veliaj kishte folur me urrjejte p\u00ebr Maznikun nga burgu. Pavar\u00ebsisht se her\u00eb pas here mashtron, zonja Lala ka raportuar p\u00ebr t\u00eb gjitha dosjet e SPAK n\u00eb m\u00ebnyr\u00eb t\u00eb paanshme dhe t\u00eb balancuar, si p\u00ebr p\u00ebrfaq\u00ebsues t\u00eb opozit\u00ebs, ashtu edhe p\u00ebr p\u00ebrfaq\u00ebsues t\u00eb pushtetit. Madje, dh\u00ebndri i Berish\u00ebs e ka k\u00ebrc\u00ebnuar dy her\u00eb me gjyq.<\/p>\n
Gazetarja Lala ka q\u00ebndruar solide n\u00eb krah t\u00eb SPAK-ut, i cili mb\u00ebshtetet nga rreth 70 % t\u00eb shqiptar\u00ebt. Zonja Lala, edhe pse nuk di t\u00eb shkruaj\u00eb, madje shkrimet e saj t\u00eb b\u00ebjn\u00eb t\u00eb shkosh n\u00eb urgjenc\u00eb, tregues i formimit t\u00eb dob\u00ebt gjuh\u00ebsor dhe munges\u00ebs s\u00eb leximit, ajo \u00ebsht\u00eb shum\u00eb e aft\u00eb n\u00eb leximin e dosjeve hetimore dhe interpretimin e tyre p\u00ebr publikun. Zonja Lala nuk perceptohet si nj\u00eb gazetare e korruptuar. Nuk ka asnj\u00eb fakt q\u00eb t\u00eb ket\u00eb p\u00ebrfituar para publike, duke p\u00ebrdorur profesionin.<\/p>\n
Ola Xama \u00ebsht\u00eb m\u00eb e qart\u00eb dhe e sakt\u00eb n\u00eb t\u00eb shkruar, nd\u00ebrsa shfaq nj\u00ebfar\u00eb \u2018kapsll\u00ebku\u2019 n\u00eb artikulim. Por, Xama raporton kryesisht p\u00ebr korrupsionin e Erion Veliajt, pasi Veliaj nuk iu p\u00ebrgjigj t\u00eb gjitha k\u00ebrkesave t\u00eb burrit t\u00eb saj p\u00ebr t\u00eb marr\u00eb fondet publike t\u00eb organizimit t\u00eb eventeve. Madje disa dit\u00eb m\u00eb par\u00eb arriti deri aty sa tha se sulmet e Berish\u00ebs dhe Met\u00ebs ndaj Altin Dumanit nuk ishin personale, por vet\u00ebm ato t\u00eb Veliajt ndaj Ols Dados ishin personale.<\/p>\n
Ndryshe nga zonja Lala, shkrimet e zonj\u00ebs Xama reflektojn\u00eb interesa private, pazare t\u00eb prishura, llogari p\u00ebrfitimi etj. Disa fakte dhe prova ngren\u00eb dyshime t\u00eb forta se Ola Xama (Basjola Pandeli) \u00ebsht\u00eb nj\u00eb gazetare e korruptuar. Ajo, dit\u00ebn ka p\u00ebrfituar para publike p\u00ebrmes disa kompanive me aksioner bashk\u00ebshortin e saj, me nd\u00ebrhyrje t\u00eb paligjshme, nd\u00ebrsa nat\u00ebn jep mendime n\u00eb TV p\u00ebr korrupsionin, tenderat korruptiv\u00eb, pastrimin e patave, tregon si jan\u00eb kapur mediat, interesat etj.<\/p>\n
Zonja Xama \u00ebsht\u00eb shfaqur si gazetare e paz\u00ebshme n\u00eb 2014, nd\u00ebrsa zonja Lala ka 20 vite gazetare terreni. Megjithat\u00eb, zonja Lala banon n\u00eb Laknas, nd\u00ebrsa Xama banon te Ambasador 3, nj\u00eb nga zonat m\u00eb t\u00eb shtrenjta t\u00eb Tiran\u00ebs, ku nj\u00eb apartament 150 m2 kushton rreth 500 mij\u00eb euro. Ky standard jetese i gazetares Xama dyshohet se bazohet te parat\u00eb publike q\u00eb ka p\u00ebrfituar nga Bashkia e Tiran\u00ebs dhe deg\u00ebt e qeverisjes.<\/p>\n
Kompania Krioform \u00ebsht\u00eb themeluar me 10 tetor 2022 nga bashk\u00ebshorti i zonj\u00ebs Xama, Ilir Pandeli, Rezarta dhe Admir Asllani, me kapital 100 mij\u00eb lek\u00eb, me objekt tregetimi dhe punimi i mobiljeve, punime duralumini etj.<\/p>\n
Nga janari 2023, kompani t\u00eb ndryshme kan\u00eb kaluar n\u00eb llogari t\u00eb kompanis\u00eb Krioform dhjet\u00ebra mij\u00ebra euro, p\u00ebr sh\u00ebrbime ende t\u00eb paidentifikuara. Duhet theksuar se Ilir Pandeli figuron aksioner n\u00eb kompanin\u00eb Krioform deri n\u00eb 20 n\u00ebntor 2023.<\/p>\n
Gjat\u00eb koh\u00ebs kur Ilir Pandeli ka qen\u00eb aksioner i Krioform, kjo kompani ka l\u00ebshuar fatura sh\u00ebrbimi p\u00ebr kompanin\u00eb Furst Kolos, pra gjat\u00eb periudh\u00ebs janar n\u00ebntor 2023. Mes t\u00eb tjerave, n\u00eb 10 mars 2023, Krioform, me aksioner bashk\u00ebshortin e Ola Xam\u00ebs, ka l\u00ebshuar nj\u00eb fatur\u00eb me vler\u00eb 3 420 000 lek\u00eb ose rreth 34 mij\u00eb euro p\u00ebr kompanin\u00eb Furst Koloss. (Nuk po i publikojm\u00eb faturat e plota p\u00ebr shkak se zonja Xama \u00ebsht\u00eb ankuar n\u00eb Tatime p\u00ebr zbulimin e transaksioneve).<\/p>\n
<\/p>\n
Kompania Furst Kolos, e cila ka kaluar para n\u00eb kompanin\u00eb Krioform me aksioner bashk\u00ebshortin e Ola Xam\u00ebs, n\u00eb 18 maj 2021 \u00ebsht\u00eb shpallur fituese e tenderit me vler\u00eb rreth 5 milion\u00eb euro, me objekt \u2018Rikonstruksioni i godinave Nr.20-21; Nr. 22-23, n\u00eb RSU Nr.1\u2032, n\u00eb kuad\u00ebr t\u00eb programit t\u00eb rind\u00ebrtimit.<\/p>\n
Tenderi i rind\u00ebrtimit \u00ebsht\u00eb zhvilluar nga Bashkia e Tiran\u00ebs. Pasi ka marr\u00eb tenderin, Furst Kolos ka kontraktuar kompanin\u00eb e bashk\u00ebshortit t\u00eb Ola Xam\u00ebs p\u00ebr dyer dhe dritare.<\/p>\n
E v\u00ebrteta \u00ebsht\u00eb se kontraktimi i kompanis\u00eb Krioform nga kompania fituese e tenderit Furst Kolos \u00ebsht\u00eb vendosur si kusht nga Arben Ahmetaj, duke bler\u00eb k\u00ebshtu gazetaren Ola Xama.<\/p>\n
Kur Frust Kolos ka fituar tenderin e rind\u00ebrtimit, n\u00eb krye t\u00eb rind\u00ebrtimit ka qen\u00eb Arben Ahmetaj, edhe formalisht tenderi \u00ebsht\u00eb organizuar nga Bashkia e Tiran\u00ebs.<\/p>\n
Koha kur Ola Xama nisi t\u00eb sulmonte Erion Veliajn p\u00ebrmes Birn p\u00ebrkon me goditjen e Arben Ahmetajt nga SPAK. Ahmetaj ka dyshuar se edhe Veliaj kishte gisht n\u00eb goditjen e tij deri kur SPAK goditi edhe vet\u00eb Veliajn. Dhe p\u00ebrdorimi i Birn p\u00ebr t\u00eb sulmuar Veliajn tregon se bashk\u00ebshorti i gazetares ka marr\u00eb para si n\u00ebnkontraktor nga rind\u00ebrtimi pik\u00ebrisht me influenc\u00ebn e Ahmetajt dhe jo nga Veliaj.<\/p>\n
Nd\u00ebrkaq, kompania Furst Koloss (J63229454K), ka 30 % t\u00eb aksioneve n\u00eb kompanin\u00eb Integrated Technology Waste Treatment Fier, q\u00eb ka nd\u00ebrtuar inceneratorin e Fierit.<\/p>\n
Sipas dosjes s\u00eb SPAK, diktuesi dhe koka e incenerator\u00ebve t\u00eb Fierit dhe Elbasanit \u00ebsht\u00eb pik\u00ebrisht Arben Ahmetaj.<\/p>\n
Kompania Vier Creative (e pezulluar n\u00eb 2023) \u00ebsht\u00eb gjithashtu e bashk\u00ebshortit t\u00eb gazetates Ola Xama. Edhe kjo kompani rezulton se ka marr\u00eb pagesa nga entet publike (deg\u00eb t\u00eb qeveris\u00eb).<\/p>\n
![\"\"](\"https:\/\/inhealthyzone.com\/wp-content\/uploads\/2026\/03\/Screenshot_20250402_180849_Chrome-768x750-1.jpg\")
<\/p>\n
Parat\u00eb publike, pra taksat tona, praktikisht kan\u00eb p\u00ebrfunduar n\u00eb xhepat e gazetates, e cila del edhe jep mend se si zbulohet dhe luftohet korrupsioni.<\/p>\n
Partis\u00eb Demokratike ka denoncuar kompanin\u00eb Kuadr.com, me aksioner bashk\u00ebshortin e Ola Xam\u00ebs, Ilir Pandeli se ka marr\u00eb para publike n\u00eb m\u00ebnyr\u00eb korruptive. Ola Xama thot\u00eb se m\u00eb 9 shkurt 2019 bashk\u00ebshorti i saj \u00ebsht\u00eb larguar si aksioner nga kompania KUADR.com. Kjo \u00ebsht\u00eb e v\u00ebrtet\u00eb. Por, n\u00eb gusht t\u00eb vitit 2023, PD ka deklaruar; \u201cNga Janar 2019 deri Mars 2019, \u00e7udit\u00ebrisht ose aspak \u00e7udit\u00ebrisht, KUADR.COM ka p\u00ebrfituar 20 pagesa nga Drejtoria e Sh\u00ebrbimeve Qeveritare. K\u00ebto pagesa lidhen me likujdimet p\u00ebr samite t\u00eb Diaspor\u00ebs, n\u00eb vler\u00ebn totale t\u00eb 97 milion\u00eb lek\u00ebve\u201d.<\/p>\n